Björn Bjarnason veltir því fyrir sér hvort Orkuveita Reykjavíkur muni ekki lækka verð á heitu vatni til borgarbúa. Að minnsta kosti eru rök til verðlækkunar ef gæta á samræmis í röksemdafæslum fyrirtækisins þegar verð hefur verið hækkað.
Björn skrifar í dagbók sína:
„Um miðjan ágúst 2003 hækkaði Orkuveita Reykjavíkur (OR) gjaldskrá fyrir heitt vatn um 5,8% m.a, vegna tekjutaps af völdum hlýinda á árinu og þar með minni sölu á heitu vatni.
Hinn 25. febrúar 2015 birtist frétt á mbl.is um að OR hefði slegið met í sölu á heitu vatni í janúar 2015, alls 9.660 þúsund rúmmetrar, eða nærri 9,7 milljónir tonna. Fyrra metið var 9.631 þúsund rúmmetrar í desember árið 2013. Notkunin í febrúar var mikil en ólíklegt er talið að met hafi verið slegið þar sem mánuðurinn er þremur dögum styttri en janúar. Kannanir OR sýna að um 90% af heita vatninu renna til kyndingar.
Skyldi gjaldskráin lækka núna?
