Forsjárhyggjan birtist með ýmsum hætti og yfirleitt eru þeir sem vilja hafa vit fyrir öðrum ekki samkvæmir sjálfum sér. Pólitískur rétttrúnaður kemur yfirleitt í veg fyrir samkvæmni.
Gunnlaugur Jónsson, framkvæmdastjóri og höfundur bókarinnar Ábyrgðarkverið, veltir fyrir sér af hverju margir hneykslist á Ögmundi Jónssyni innanríkisráðherra fyrir að setja fram hugmyndir um að banna klám. Gunnlaugur spyr:
En ef það er í lagi að banna fólki að skipta á krónum og jenum, af hverju er ekki í lagi að banna klám?
Ef það er í lagi að banna fólki að rækta tilteknar plöntur heima hjá sér, af hverju er ekki í lagi að banna klám?
Ef það er í lagi að banna fólki að keyra leigubíl, af hverju er ekki í lagi að banna klám?
Ef það er í lagi að banna fólki að reka happdrætti, af hverju er ekki í lagi að banna klám?
Ef það er í lagi að banna fólki að halda sínum eigin peningum, af hverju er ekki í lagi að banna klám?
Ef það er í lagi að banna fólki að veita fjármálaráðgjöf, af hverju er ekki í lagi að banna klám?
Ef það er í lagi að banna fólki að stunda hnefaleika, af hverju er ekki í lagi að banna klám?
Ef það er í lagi að banna fólki að gera breytingar á húsum sínum, af hverju er ekki í lagi að banna klám?
Gunnlaugur spyr í lokin:
Er klám svona frábært?
Eða er Ögmundur víðar en við höldum?