Þingmenn Samfylkingarinnar vilja ekki tengjast Jóhönnu Sigurðardóttur og eru því farnir í felur. Þetta fullyrðir Styrmir Gunnarsson.
Í Pottinum á Evrópuvaktinni bendir Styrmir á að þingmenn Samfylkingarinnar séu að draga sig æ meira í hlé. Þeir láti lítið til sín heyra. „Það liggur við að þeir séu horfnir af sjónarsviðinu,” skrifar Styrmir og spyr: Hvað ætli valdi? Hann svarar:
„Skýringin er augljós.
Þeir eru að búa til fjarlægð á milli sín og Jóhönnu Sigurðardóttur.
Þeir telja það vænlegast til árangurs að láta ekki sjá sig í fylgdarliði Jóhönnu.
Þeir vilja ekki lengur tengjast Jóhönnu.
Þögn þingmanna Samfylkingar segir meira en flest annað um pólitíska stöðu forsætisráðherrans.
Þeir eru hlaupnir í felur.”